വാർത്തകൾ
ഓപ്പറേഷൻ തൂഫാൻ
ഉദ്ഘാടന ദിനം
തീയതി
2026 സപ്തംബർ 28
സമയം
രാവിലെ 10 മണി
പങ്കാളിത്തം
വിദ്യാർത്ഥികൾ, അധ്യാപകർ, ജനപ്രതിനിധികൾ,പോലീസ്ഉദ്യോഗസ്ഥർ, സാമൂഹിക പ്രവർത്തകർ
ലഹരിക്കെതിരെ വിദ്യാർത്ഥികളുടെ കൂട്ടായ്മ
ലഹരിക്കെതിരായ ശക്തമായ ജനകീയ പ്രതിരോധത്തിന്റെ ഭാഗമായി പായം ഗ്രാമപഞ്ചായത്തിന്റെ നേതൃത്വത്തിൽ “ഓപ്പറേഷൻ തൂഫാൻ – ദി നാർക്കോ ഹണ്ട്” എന്ന പേരിൽ ലഹരിവിരുദ്ധ ബോധവത്കരണ ക്സാസ് സംഘടിപ്പിച്ചു. 2026 സപ്തംബർ 28-ന് രാവിലെ 10 മണിക്ക് നടന്ന പരിപാടിയിൽ വിവിധ വിദ്യാലയങ്ങളിലെ വിദ്യാർത്ഥികൾ, അധ്യാപകർ, ജനപ്രതിനിധികൾ, ഉദ്യോഗസ്ഥർ, സാമൂഹിക പ്രവർത്തകർ തുടങ്ങി നിരവധി പേർ പങ്കെടുത്തു. ലഹരി ഉപയോഗത്തിന്റെ ദൂഷ്യഫലങ്ങളെക്കുറിച്ച് സമൂഹത്തിൽ അവബോധം സൃഷ്ടിക്കുകയും, പ്രത്യേകിച്ച് യുവതലമുറയെ ലഹരിയുടെ പിടിയിൽ നിന്ന് സംരക്ഷിക്കുകയും ചെയ്യുക എന്ന സന്ദേശം എല്ലാവരിലും എത്തിക്കുക എന്നതായിരുന്നു ലക്ഷ്യം
കേരള പോലീസ് ആരംഭിച്ച “ഓപ്പറേഷൻ തൂഫാൻ – ദി നാർക്കോ ഹണ്ട്” എന്ന പദ്ധതി ലഹരി മാഫിയയുടെ പ്രവർത്തനങ്ങൾക്കെതിരെ ശക്തമായ നിയമനടപടികൾ സ്വീകരിക്കുന്നതിനും പൊതുജന പങ്കാളിത്തത്തോടെ വിപുലമായ ലഹരിവിരുദ്ധ പ്രതിരോധം തീർക്കുന്നതിനും ലക്ഷ്യമിടുന്നതാണ്. വിദ്യാഭ്യാസം, ആരോഗ്യം, എക്സൈസ് തുടങ്ങിയ വകുപ്പുകളുടെ സഹകരണത്തോടെ നടപ്പാക്കുന്ന ഈ പദ്ധതിയുടെ ഭാഗമായി ലഹരിയുടെ വ്യാപനം തടയുന്നതിനും പ്രത്യേകിച്ച് സിന്തറ്റിക് ഡ്രഗ്സിന്റെ ഉപയോഗത്തിനെതിരെ ശക്തമായ ബോധവത്കരണം നടത്തുന്നതിനും പ്രാധാന്യം നൽകുന്നു.
പ്രസ്തുത പരിപാടി പായം ഗ്രാമപഞ്ചായത്ത്, ജില്ലാ ലീഗൽ സർവീസസ് അതോറിറ്റി, കണ്ണൂർ (DLSA), താലൂക്ക് ലീഗൽ സർവീസസ് കമ്മിറ്റി, ഇരിട്ടി (TLSC) എന്നിവയുടെ സംയുക്ത സഹകരണത്തോടെയാണ് സംഘടിപ്പിച്ചത്. നിയമപരമായ ബോധവത്കരണത്തിനൊപ്പം ലഹരിക്കെതിരായ സാമൂഹിക ഉത്തരവാദിത്വവും ജനങ്ങളിൽ വളർത്തുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.
ലഹരിമുക്ത സമൂഹം എന്ന ലക്ഷ്യത്തിലേക്ക് ജനകീയ കൂട്ടായ്മ ശക്തിപ്പെടുത്തുക, കുട്ടികളെയും യുവാക്കളെയും ലഹരിയിൽ നിന്ന് സംരക്ഷിക്കുക, ലഹരിക്കെതിരെ ജാഗ്രതയുള്ള ഒരു സമൂഹത്തെ രൂപപ്പെടുത്തുക എന്നീ സന്ദേശങ്ങളാണ് ഓപ്പറേഷൻ തൂഫാൻ പരിപാടിയിലൂടെ പായം ഗ്രാമപഞ്ചായത്ത് മുന്നോട്ടുവെച്ചത്.
സമൂഹത്തിന്റെ കൂട്ടായ ഇടപെടലിനായുള്ള ലക്ഷ്യങ്ങൾ
യുവതലമുറയെ സംരക്ഷിക്കുക
കുട്ടികളെയും യുവാക്കളെയും ലഹരിയുടെ അപകടങ്ങളിൽ നിന്ന് സംരക്ഷിക്കുകയും സുരക്ഷിതമായ ഭാവി ഉറപ്പാക്കുകയും ചെയ്യുക.
ബോധവത്കരണം ശക്തിപ്പെടുത്തുക
ലഹരി ഉപയോഗത്തിന്റെ ദൂഷ്യഫലങ്ങളെക്കുറിച്ച് സമൂഹത്തിൽ ശക്തമായ അവബോധം സൃഷ്ടിക്കുക.
ജനകീയ കൂട്ടായ്മ
ലഹരിക്കെതിരായ പ്രവർത്തനങ്ങളിൽ വിദ്യാർത്ഥികളെയും പൊതുസമൂഹത്തെയും സജീവമായി പങ്കാളികളാക്കുക.
ഓപ്പറേഷൻ തൂഫാൻ ഗാലറി
ലഹരിവിരുദ്ധ ബോധവത്കരണ ഉദ്ഘാടന ദിനത്തിലെ വിവിധ ദൃശ്യങ്ങൾ.






























ലഹരിമുക്തമായ സമൂഹത്തിനായി
കുട്ടികളെയും യുവാക്കളെയും ലഹരിയിൽ നിന്ന് സംരക്ഷിക്കുക. ലഹരിക്കെതിരെ ജാഗ്രതയുള്ള ഒരു സമൂഹത്തെ രൂപപ്പെടുത്തുക. ജനകീയ കൂട്ടായ്മയിലൂടെ ലഹരിവിരുദ്ധ പ്രതിരോധം ശക്തിപ്പെടുത്തുക.